Text copied!
CopyCompare
BIBLE MUTAL - Psalm - Psalm 25

Psalm 25:5-21

Help us?
Click on verse(s) to share them!
5Lutiyu in moul fal nu ke ma pwaye lom, Tu kom God luk su moliyula. Nga lulalfongi kom pacl e nukewa.
6O LEUM GOD, esam pakoten ac lungse kawil lom Su kom akkalemye oemeet me.
7Nimet esam ma sutuu ac ma koluk luk in len in fusr luk. A esamyu, O LEUM GOD, Fal nu ke lungse kawil ac pakoten lom.
8Ke sripen LEUM GOD el suwohs ac wo, El luti mwet koluk ke inkanek elos in fahsr kac.
9El kol mwet inse pusisel nu ke inkanek pwaye Ac lotelos ke ma lungse lal.
10Ke oaru ac lungse, El kololos su Karinganang wuleang lal ac akos ma sap lal.
11LEUM GOD, nunak munas ke ma koluk luk, fal nu ke Inem, Tuh ma koluk luk arulana pus.
12Elos su sunakin LEUM GOD El ac fah luti nu selos inkanek su fal elos in fahsr kac.
13Elos ac fah kapkapak, Ac fwil natulos ac fah usrui facl selos.
14LEUM GOD El mwet kawuk lalos su sunakunul Ac El ac fah akpwayeye wulela lal nu selos.
15Nga suk kasru sin LEUM GOD in pacl nukewa, Ac El moliyu liki mwe sensen.
16LEUM GOD, ngetma nu sik ac pakomutuk, Tuh nga muku ac munas.
17Akfisrasrye mwe fosrnga nu sik Ac moliyula liki mwe ongoiya.
18Akilen fosrnga ac keok luk Ac nunak munas ke ma koluk luk nukewa.
19Liye pusiyen mwet lokoalok luk, Ac ke lupan srunga sulallal lalos nu sik.
20Karinginyu ac moliyula: Nikmet lela in akmwekinyeyuk nga, Tuh nga tuku in moulla yurum.
21Lela ma wo ac suwohs luk in akwoyeyu, Mweyen nga lulalfongi in kom.

Read Psalm 25Psalm 25
Compare Psalm 25:5-21Psalm 25:5-21