Text copied!
CopyCompare
Kadede Kap Psam Akan - Psalm - Psalm 22

Psalm 22:3-17

Help us?
Click on verse(s) to share them!
3Ari so, komui ta me saraui, komui me kotikot pan kaul en kaping en Israel.
4Sam at akan liki komui, o ni ar liki, kom kotin sauasa irail er.
5Irail likwir ong komui, rap dorelar, re liki komui, rap sota namenokala.
6A ngai dueta kamatol amen, a kaidin ol amen, me aramas akan kin lalaue o mamaleki.
7Karos me kilang ia, kin lalaue, ia, sara pasang au arail o tuetuäl mong arail:
8A kin liki Ieowa, i en dorela i, o kamaioda i, pwe a kin kupura i.
9Pwe komui kotin kaipwi ia sang nan kaped en in ai; komui ta, me i liki sang ni ansaun ai mi ni maramaran in ai.
10Sang nan kaped en in ai i lokidokilang komui; komui ta ai Kot sang ni ansaun ai mi pon kopan in ai.
11Kom der kotin doo sang ia, pwe ansaun kalokolok korendor, ap solar sauas pa i.
12Kau ol kalaimun kan kapil ia penaer, o kau ol en Pasan kele ia pena.
13Irail sara dong ia dueta laien weriwer o laualo amen.
14Ngai wudokilar dueta pil, ai kokon akan karos muei pasanger, o mongiong i pei pasanger nan kaped i dueta wi.
15Ai kelail ngalangal lar dueta diper en dal eu, o lo i pasadang pan ngatangat ai, o komui kin wia kin ia me melar amen.
16Pwe kidi kan kapil ia pena, o pwin aramas sued eu kele ia pena, irail kapore pasang pa i o nä i kat.
17I kak wadok kokon ai kan karos; a irail kin kilekilang ap peren kida.

Read Psalm 22Psalm 22
Compare Psalm 22:3-17Psalm 22:3-17