Psalm 22:11-30

¹¹Kom der kotin doo sang ia, pwe ansaun kalokolok korendor, ap solar sauas pa i.

¹²Kau ol kalaimun kan kapil ia penaer, o kau ol en Pasan kele ia pena.

¹³Irail sara dong ia dueta laien weriwer o laualo amen.

¹⁴Ngai wudokilar dueta pil, ai kokon akan karos muei pasanger, o mongiong i pei pasanger nan kaped i dueta wi.

¹⁵Ai kelail ngalangal lar dueta diper en dal eu, o lo i pasadang pan ngatangat ai, o komui kin wia kin ia me melar amen.

¹⁶Pwe kidi kan kapil ia pena, o pwin aramas sued eu kele ia pena, irail kapore pasang pa i o nä i kat.

¹⁷I kak wadok kokon ai kan karos; a irail kin kilekilang ap peren kida.

¹⁸Re kin nek pasang ai likau kan nan pung arail, o re doropweki ai likau pup.

¹⁹A komui Maing ender doo sang ia! Ai kel madangdo o sauasa ia!

²⁰Dorela maur i sang kodlas, pwe me ta ieu, o sang nan kel en kidi!

²¹Sauasa ia sang nan au en laien, o dore ia la sang ose en man laualo!

²²I pan padaki ong ri ai kan duen mar omui, o i pan kapinga komui nan momodisou.

²³Kapinga Ieowa komail me masak i, o kadaudok en Iakop en kalinganada i, o wan Israel karos masak i.

²⁴Pwe a sota kotin mamaleki de suedeki me luet akan; o a sota kotin karirila silang i sang irail; o ni a likwir ong i, a kotin erekier.

²⁵I pan kapinga komui nan momodisou kalaimun; i pan kapwaiada ai inau mon ir me lan i.

²⁶Me luet akan en manga o medila, o me idok Ieowa, pan kapinga i; ngen omail pan memaureta kokolata.

²⁷Ni imwin sap karos re pan tamanda Ieowa, ap wuki ong i, o di en men liki karos pan kaudoki ong i.

²⁸Pwe wein Ieowa, o a kotin kaunda men liki kan.

²⁹Me wi kan karos nin sappa pan mangamanga o kelepuki; karos, me pan wiala pwel o sota kak kolekol maur ar, pan pongi i.

³⁰Kadaudok eu mia, me pan papa i, re pan padaki ong seri o seri en seri kan duen Ieowa.