Psalm 19:1-11

¹Psalm lal David Kusrao fahkak ke wolana lun God, Ac yen engyeng uh fahkak ke orekma lun paol.

²Len na len fahkak wolana lal Ac fong nu ke fong akkalemye lalmwetmet lal.

³Wangin sramsram ac wangin pac kas; Wangin pusra lohngyuk,

⁴Tusruktu, kas lalos fahsrelik nu fin faclu nufon Ac lohngyuk in acn nukewa fin faclu. God El orala acn sin faht uh inkusrao;

⁵El sikme ke lotutang oana sie mwet pisrla, Ac oana sie mwet kasrusr su engan ac akola in kasrusr.

⁶El mutawauk ke tafun faclu, Ac som nwe ke tafunyen ngia; Wangin ma ku in wikla liki fol kac.

⁷Ma sap lun LEUM GOD suwosna, Pa sang ku sasu nu sin mwet. Sap lun LEUM GOD pwayena, Pa sang lalmwetmet nu sin mwet nikin.

⁸Ma oakwuk lun LEUM GOD suwohs, Ac mwet su akos elos engan. Ma sap lun LEUM GOD suwoswos, Ac sang etauk nu sin mwet.

⁹Ma wo se pa in sangeng sin LEUM GOD; Ma inge ac fah oan nwe tok. Nununku lun LEUM GOD suwohs Ac wo pacl nukewa.

¹⁰Ma inge nukewa wo liki na gold oa, Ac emwem liki na honey.

¹¹Elos ase etauk nu sik, mwet kulansap lom. Ke nga akos, nga eis mwe insewowo lulap.