Psalm 147:1-15

¹KAPINGA Ieowa! Pwe meid kasampwal, en kapinga atail Kot; pwe mak eta en kauleki kaul en kaping.

²Ieowa kin kotin kauada Ierusalem, o a kin kapokon pena me salongala ren men Israel.

³A kotin kamauiala me lol olar akan, o kotin kitim pena ar olar akan.

⁴A kin kotin wadok pena usu kan, o kin kida ad arail karos.

⁵Atail Kaun me lapalap o meid manaman, o sota me kak dedeki duen a erpit.

⁶Ieowa kin kotin kamanada me luet akan, ap sikendi me doo sang Kot akan nan pwel.

⁷Komail kakaul ong Ieowa, en wia pwin pasang o danke o kapinga atail Kot iang arp,

⁸Me kin kotin pena kila lang tapok kan, o kotin kamoredi katau ong sappa; me kotin kawosada rä pon dol akan,

⁹Me kin kotiki ong man akan kan ar, rape pulepul akan, me kin likwir ong i.

¹⁰A sota kin kotin kupura kelail en os o, de nä en ol amen.

¹¹Ieowa kin kotin kupura, me masak i, me kin kaporoporeki a kalangan.

¹²Ierusalem, kapinga Ieowa! Sion, kapinga om Kot!

¹³Pwe i me kin kotin katengetengedi sal mata en om wanim akan, o kotin kapaiada noum seri ko, me mimi lole.

¹⁴A kin kotiki ong irair en sap om muei mau, o kin kotin kamanga kin uk korn kasampwalia.

¹⁵A kin kotin kadardi ong sappa a masan akan, a kusoned kin lolok sili madang.