Psalm 139:17-24

¹⁷Maing Kot, meid kasampwal ong ia duen meakan karos, me komui kin kupukupura!

¹⁸Ma i pan wadok ir, i sota pan kak ong, pwe re me toto sang pik en oror, ni ai pirida, i kin mimieta re omui.

¹⁹O Maing Kot, kom sota men kamela me doo sang Kot akan; o me kin inong iong nta, en muei sang ia!

²⁰Pwe re kin lokaia sued duen komui, o sapwilim omui imwintiti kan kin kangudi ni sokarepa.

²¹I kin kailongki, Maing Ieowa, me kin kailongki komui, o i suedeki ar palian komui.

²²I kin kailong kin ir melel, re wialar ai imwintiti.

²³Maing Kot, kom kotin kasaui ia, o mangi duen mongiong i, kotin rapaki duen me i kin lamelame.

²⁴O kom kotin masani, ma i mi pon al sued, o kotin kalua ia pon al soutuk.