Text copied!
CopyCompare
BIBLE MUTAL - Psalm - Psalm 139

Psalm 139:13-23

Help us?
Click on verse(s) to share them!
13Kom lumahla ip nukewa ke monuk; Kom oakiyuwi insien nina kiuk.
14Nga kaksakin kom mweyen fal mwet uh in sangeng sum. Ma nukewa kom oru, usrnguk ac wolana, Nga etu ouinge ke insiuk nufon.
15Ke mutawauk in lumweyuk sri keik uh, Ac oakiyuki wo insien nina kiuk, Ke nga kapkapak ingo in lukma, Kom nuna etu lah nga oasr we.
16Kom tuh liyeyu meet liki nga isusla. Pisen len ma oakiyuki nu sik tuh nga in moul Simla tari in book nutum Meet liki na kais sie ma inge mutawauk.
17O God, arulana pus nunak lom, Ac arulana upa nu sik in kalem kac.
18Nga fin oek, pisalos ac pus liki puk uh. Ke nga ngutalik, nga srakna muta yurum.
19O God, nga kena tuh kom in uniya mwet koluk! Nga arulana kena tuh mwet sulallal in fahsr likiyu.
20Elos fahk ma koluk keim; Elos fahk kas na koluk lain Inem.
21O LEUM GOD, nga arulana srungalos su srungakom! Nga kwaselos su tuyak lain Kom.
22Nga srungalos na pwaye; Nga oakalos mwet lokoalok luk.
23Liyeyu, O God, ac etu insiuk; Srikeyu, ac konauk nunak luk.

Read Psalm 139Psalm 139
Compare Psalm 139:13-23Psalm 139:13-23