Psalm 135:5-17

⁵Nga etu tuh LEUM GOD El fulat, El fulat liki god nukewa.

⁶El oru kutena ma El lungse oru In kusrao ac fin faclu, In meoa uh ac acn loal ye kof uh.

⁷El use pukunyeng in paka liki kapinkusra uh; El orala sarom nu ke paka uh, Ac El use eng liki nien filma lal.

⁸El uniya wounse nukewa in acn Egypt, Nutin mwet oayapa nutin kosro.

⁹El oru mwenmen ac ma sakirik in acn we In kai tokosra lun acn we ac mwet pwapa lal nukewa.

¹⁰El kunausla mutunfacl puspis Ac uniya tokosra pwengpeng inge:

¹¹Sihon, tokosra lun mwet Amor, Og, tokosra lun mwet Bashan, Ac tokosra nukewa in acn Canaan.

¹²God El sang acn sin mwet inge nu sin mwet lal; El sang tuh in mwe usru lalos, mwet Israel.

¹³LEUM GOD, ac fah sulkakinyuk Inem nwe tok; Fwil nukewa fah esam kom.

¹⁴LEUM GOD El fah karingin mwet lal; El fah pakomuta mwet kulansap lal.

¹⁵Tuh god lun mutunfacl saya orekla ke silver ac gold; Elos ma orekla ke poun mwet.

¹⁶Oasr oalulos, a elos tia ku in kaskas, Ac oasr mutalos, a elos tia ku in liye.

¹⁷Oasr sraclos, a elos tia ku in lohng, Elos tia pacna ku in momong.