Psalm 132:2-13

²Me kauki ong Ieowa, o a inauki ong Kot manaman en Iakop:

³I sota pan pedelong ong nan im ai, o i sota pan wendi pon los,

⁴I sota pan mueid ong mas ai en mair, de por en mas ai, en mair pena,

⁵Lao i pan diar ekis wasa ong Ieowa, wasan tanpas en Kot manaman en Iakop.

⁶Melel, se ronger duen i nan Eprata; se diaradar i nan sap en Iaar.

⁷Se pan pedelong ong nan tanpas a o kaudok ni utipa.

⁸Kotida, Maing Ieowa, koti dong omui kamol, komui o kopan omui manaman!

⁹Sapwilim omui samero kan en likau kida pung, o sapwilim omui me saraui kan en pereperen.

¹⁰Re der sopwei sang mas en sapwilim omui me keidier, pweki Dawid sapwilim omui ladu.

¹¹Ieowa kotin kaula ong Dawid kaula melel eu, o a sota pan kawukila: I pan kasapwiladang mol om kisan kadaudok om.

¹²Ma noum seri ko pan kolekol ai inau, o ai kusoned akan, me I pan kawewe ong irail, nairail seri ko ap pil pan mondi pon mol om kokolata.

¹³Melel Ieowa kotin pilada Sion, o a kotin men kotikot wasa o.