Psalm 122:2-8

²Ac inge kut utyak tari Nu in kalkal lom, O Jerusalem!

³Jerusalem, sie siti su sifil musaiyukla, Ac arulana naweyukla wo.

⁴Pa inge acn ma sruf uh tuku nu we, Sruf lun Israel, In sang kulo nu sin LEUM GOD Fal nu ke ma El sapkin.

⁵Pa inge acn se tokosra lun Israel Elos muta we in kol mwet lalos ke suwoswos.

⁶Pre tu Jerusalem in misla: “Lela tu elos su lungse kom in kapkapak.

⁷Lela tu in oasr misla in kalkal lom, A in wangin ma aklokoalokye inkul fulat we.”

⁸Ke sripen mwet in sou luk a mwet kawuk luk Nga fahk nu sin Jerusalem, “Mutana in misla.”