Text copied!
BREAK EVERY YOKE
CopyCompare
BIBLE MUTAL
- Psalm
- Psalm 119

Psalm 119:96-107

Help us?
Click on verse(s) to share them!
96Nga etu tari lah oasr saflaiyen ma nukewa; Tusruktu ma sap lom wangin saflaiya.
97Arulana yohk lungse luk ke ma sap lom! Nga nunku kac ke len nufon.
98Ma sap lom wiyu pacl e nukewa Ac oru nga lalmwetmet liki mwet lokoalok luk.
99Nga kalem kac yohk liki mwet luti luk nukewa, Mweyen nga arulana nunku ke kas in luti lom.
100Yohk lalmwetmet luk liki mwet matu, Mweyen nga akos ma sap lom.
101Nga taranyu liki orekma koluk nukewa, Mweyen nga lungse akos kas lom.
102Nga tiana pilesrala kas in luti lom, Mweyen kom na pa lutiyu.
103Kas in luti lom arulana emwem, Aok, emwem liki na honey nu ke oalik!
104Nga eis lalmwetmet ke ma sap lom, Ke ma inge nga srunga inkanek koluk nukewa.
105Kas lom lam nu ke niuk Ac kalem nu ke inkanek luk.
106Nga orala sie wulela na ku Tuh nga in akos kas in luti suwoswos lom.
107LEUM GOD, pwayena lah mwe keok luk arulana upa; Sruokya moul luk, oana ke kom wulela.

Read Psalm 119Psalm 119
Compare Psalm 119:96-107Psalm 119:96-107


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!