Psalm 119:113-120

¹¹³Nga srungalos su tia inse pwaye nu sum, A nga lungse ma sap lom.

¹¹⁴Kom nien wikla luk ac lango luk; Nga filiya finsrak luk in wuleang lom.

¹¹⁵Mwet koluk, kowos fahla likiyu. Nga ac fah akos ma sap lun God luk.

¹¹⁶Akkeyeyu, oana kom wulela, ac nga fah moul; Nikmet lela tuh nga in toasrla ke sripen tia sun mwe finsrak luk!

¹¹⁷Sruokyuwi tuh nga fah tu na ku, Ac nga fah lohang nu ke ma sap lom pacl e nukewa.

¹¹⁸Kom ngetla liki mwet nukewa su seakos ma sap lom; Pwapa kutasrik lalos wangin sripa.

¹¹⁹Kom oru mwet koluk nukewa oana kutkut, Ke ma inge nga lungse kas in luti lom.

¹²⁰Ke sripom nga sangeng; Nga arulana sangeng ke sripen nununku lom.