Proverbs 7:13-25

¹³Me yan i gumuchmuch ngak fare pagel nge farey owchen, me lik’ath ngalan mit me ga’ar ngak,

¹⁴“Kug pi’ e gamanman ni maligach e daba’, ere bay e ufin riy u tabinaw rog.

¹⁵Ku gub ni gu be gayem ni gu be finey ni manga yuggu piri’egem, me ere kadmada’gow u roy!

¹⁶Mad ni bfel’ ra’en ni yib u Egypt e ku gu filath nga daken e chob rog;

¹⁷ma ku gu floridanag ko myrrh, nge aloes, nge cinnamon.

¹⁸Moy, nga darow ngad pirew nn’umngin e nep’. Ya gadow ra felfelan’ nike par bagadow ngalan ngorongoren bagadow.

¹⁹Ya de moy e pumo’on rog u tabinaw, ke yan nga ba milekag nib n’uw wo’en.

²⁰Ke fek e salpiy ni pire’, ma l’agruw e wik ni nge par u milekag mfini sul.”

²¹Be guy rogon ni nge m’agan’ fare pagel ngak, me pag fare pagel ir ngak ni bochan e thin rok nrib sumunguy.

²²Me un ngak ngranow ni bod ba garbaw ni pumo’on ni ngan li’ ngem’, ma ku bod ba gamanman ni deer ni be yif ay i yan ni nge yan i tay ngalan ba wup,

²³ni aram e gin bayi aw ba gat’ing riy ngak nge kuruf gumircha’en, ni bod ba arche’ ni be sor i yan ngalan ba nug, ya de nang ni be bibiy e riya’ i yan.

²⁴Ere gimed pifakag e ngam telmed ngog. Mu uthumed telmed ko tin gu be yog.

²⁵Dab mpaged be’ ni bpin ni aram rogon nge ban nagmed nge l’agan’med ngak; dab mmarod ni gimed be lol’oeg e mit nem e bpin.