Proverbs 5:3-15

³Mu awuk, lage luan imet ko munak mu yaman nuam se welang karogo,

⁴bare noko munak karo tuata mu, nukum te mel bo kiti seselak ago nana iwita, agi batir kore wuli koma sing sang ago ka moa kam.

⁵Munan nu karowoso mu mutim ningi kua namara ko munan.

⁶Nu bagara aolak ningo ko ikia me taso; noko aolak daeldel mu nu kota me ko ikiso.

⁷Aga namar, ikiko; ani den ka manorsam mu betegen ko me bitarko.

⁸Imet uwuta ko kawam kuringi me namar, agi kumik duap te me dagiko.

⁹Ni uwuta bitar mu ka mel ningo ningo waru saparko; ale nongomang magara ko kariimet nuguting te tom maiya biya maga kuena lagerko.

¹⁰Se ka mel ningo ningo mu kariimet iwareng no maguwumonko; se ka ura kowar mu kari bo kigilik ko kawam tugumokko.

¹¹Se kuera memek ka iluwok se kimik sokelel wetang te aratuk se kuera ko tom ka irok se nia kika lagerko.

¹²Ale keta nimi manaru ale balu, “Ani agata den ningo te ningo la bagarikko aga kasurukasan wore me karo tuem;

¹³aga kausa se kiti guruga kari alo nuguring me karo nungarem.

¹⁴Buta se aitak ani kariimet biya nomotam te dola magawasam,” meko.

¹⁵Ni ka yu kuting ni keta te yu nasam uwutatala, ni ka niwus kota diram ilak bagerko.