Proverbs 30:1-4

¹Imi kari Agur, Jakeh ko namar, ko bala sang. Nu den imi Ithiel se Ucal iwita nunga maonam:

²“Ani am kari ngualara bo nunguningkiri, ani kari ko iwita ikia me taem.

³Ani ikia sinar ko den ko katir me sinarerem, ale Doleng Suan mu ko ikia ningo bo aningate mena.

⁴Kariimet i bo duruk uningi nama tarigiram ale aking tai kaparam? Kariimet i bo marir kuting tuagu ningi iluwokko terong? Kariimet i bo gagi lilim la guang bo te ilu kalokko terong? Kariimet i bo ali imi lilim la ko duap ago nungam se aniso? Nina ko nup ikisan agi mu aga maonalko, ale ko namar ko nup ago aga maonalko!