Proverbs 23:6-13

⁶Kari kaluwu nana mu ko inang yawara yaman nuam mu ko dera bingok se ilak dagi ale me noko;

⁷mu awuk, nu “Na yu aniso, am noko,” ma se wore, ko manga na yu ko saparam mu ko dogotak sora se kuring guang la ka kuluruwoso.

⁸Se udagi ko ari iki, mu ni inang gotek naem mu awuk kapi waru, ale ka munak ningo ilak munaka lagerem mu awuk ko baluko? Mena.

⁹Kari ngualara mu ka den ningo me manaruko, mu awuk, nu nika ikia sinar yawara ko den mu tauk ale den kolara te bitirukko.

¹⁰Girakala girigir alo ali ko tom beteman umu me baruku ale sarumur, agi kuriang nungumik bitua mena mu nunga ali me iramuruko,

¹¹mu awuk, nunga Bitua Kari bo bagoso tala, mu sokel aora biya; se nunga atumu sanguk ale tawun biya kerak baluko.

¹²Kiti guruga ko den gemang tui ale ikia sinar ko den ko degewa gurugu se lagerko.

¹³Bu te kuriang nukum tagira ko munan mu me to ilupko; memek bitiruk se nukum tagir mu me kuerukko pa!