Proverbs 23:27-35

²⁷Pi’in ppin ni yad ma chuway’ ngorad nge pi’in nib kireb e yad bod ba wup ni yira aw ngay mi nim’.

²⁸Yad be son nigem ni bod e moro’ro’ nma og ngak e girdi’ nge fek ban’en rorad, ma yad tapgin ni pire’ e pumo’on ndakurir yul’yul’gad ngak le’engirad.

²⁹Mu dag e girdi’ ni yad ba tamu’un rrum, ni yad ma unum e rrum ni kan athkuy ban’en ngay ni nge fel’ lamen, mu gu dag ngom e girdi’ ni yad be par u fithik’ e gafgow nike gafgowan’rad ngorad, ma gubin ngiyal’ ni yad be ngongliy e tin tagan ma gubin ngiyal’ ni yad be yog ni der fel’ u wan’rad e tin bay rorad. Be par lan owcherad nib row ma be maad’ad dowrad, ni maad’ad nrayag ni ngan ayuwegey riy nge dabi yib.

³¹Dab mu pag e wayin nge waliyem ngam unum, darifan ni yagga be guy nib row ra’en ma be wuthwuth u lan e kap, ma ga ra unum me yan u ngorongorem nib munguy.

³²Ma ra yan i kadbul, ma ga be thamiy ni gowa k’adem ba porchoyog ni bay e yub u langan.

³³Ma ga changar u reb e changar ma dabkiyag ni ngam leam ara mu non ni yira nang fan.

³⁴Ma ga ra thamiy rom ni gowa ga bay u p’ebugul e wulyang ko barkow ni be yin’ e day u rigur ni kam mislal.

³⁵Ma bayi lungum, “Sana kan toy ban’en ngog, sana kan li’eg, machane da kug nang. Mang ndabiyag ni nge tamilangan’ug? Thingar gu wan ngkug unum e rrum bayay.”