Proverbs 21:24-29

²⁴Numi patawura ale supuling lagara ko kari mu numi patawura ko munan me bita arigiso; noko nup mu “Patawura”.

²⁵Kari gagor gurum, kuting kua anira, mu kota ko daiga bagara maguwuso.

²⁶Nu pempem la melmasak bo karogo gemarukko gomang soraga lagoso; bare kariimet ningo diram mu gomang sorara iluwa bo mena kariimet saki mel nungaru lagoso.

²⁷Kari memek tama beteso, mu Yawe biriruwuso nunguningkiri; mu awuk, nu ikia ningo bo te munan mu me beteso.

²⁸Den kawel te bo atumu saonga mu mena namarukko; bare den nunguning la bala mu pempem ani lagarukko.

²⁹Kari memek mu nu numi terong iwita ikiso ale ko memek mu am bita lagoso, bare kari diram mu anapeya bitirukko mu ko iki iki beteso.