Proverbs 21:2-11

²Kari ko munan suen la beteso mu nu ningo la iwita ikiso; bare Yawe munan umu ko ikia yumura mu am iki saposo.

³Tama bita Yawe tua mu ningo; bare munan ningo diram la betera mu Yawe ninguru ko kueso.

⁴Kari memek mu numi patawu se supuling laga lagoso, ale kiwem memek ago terong mam.

⁵Kari ninguru iki guruguso asele ura beteso, mu noko ura yawarakala arataso ale nunguning karogo; bare lage guyak se tukunang te mel tata ko nunguning mu, kimik mel mena, kituwura lagerko.

⁶Kawel ko munan te mel suen biya gia mu tama bur iwita pasak mena namarukko, ale dagarok iwita ka taliparukko.

⁷Kari memek nunga kager daong ko munan mu nunga sarumu warukko, mu awuk, nuna munan ningo diram betemonko me kuesan.

⁸Kari ikup ago mu ko bagara aolak mu daeldel pukakung; bare awiriya ko bagara aolak ko sinar taso mu munan ningo diram la beteso.

⁹Nika imet ining singi bitiruk mu ilak kawam ningi bager i? Mena. Aratu ale matangi siwik motam atumu bager mu terong.

¹⁰Kari memek mu inang ko kuakoyam memek bitirukko kua lagoso; ale nu bo gomang tua me ikiso.

¹¹Ikia sinar suwik sapara ko kari moar se ninguru me sinarara alo mu sinarmonko; ikia ningo ko kari bo due to, mu nu ikia ningo nunguningkiri karogo terong maukko.