Proverbs 18:1-12

¹Girdi’ nda rir m’aged yad ndak boch e girdi’ e go’ yad e yad ma leam nagedyad; ma der ma m’ag u wan’rad e tin go’ yimnang ni bfel’.

²En nib balyang e dariyfan u wan’ ni ngari nangfan ban’en; kemus ni ba’adag ni nge m’ug ni ir e ba llowan’.

³Denen nge tamra’ e ma yan u ta’bang. Ga ra mul ko liw rom nib tolang ma moning e ra yib nga luwan.

⁴Thin rok be’ e rayag ni nge mang kenggin e gonop, nib to’ar ni bod e regur, ma ba kak’ling ni bod ba lul’ ni be yan.

⁵De mat’aw ni ngan fol ko en nib kireb e rok mi ni pag e cha’ nib mat’aw ndabiyag ngak e tin mat’wun.

⁶Nap’an nra tababnag be’ nib balyang e tugthin, ma be gay ni ngan pirdi’iy.

⁷Nap’an nra welthin be’ nib balyang, ma ir e be thiyernag ir; mra mang ir e aw ko thin rok.

⁸Gun’gun’ e rib fel’ lamean; aram feni gadad ba’adag i ful’.

⁹En nib gamead e ta’reb feni kireb ko en nib mogothgoth.

¹⁰I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

¹¹Ma pi’in yo’or ban’en rorad e wun’rad e fel’ rogon rorad e ra yororiyrad ni bod ba yoror nib tolang ma ba gel u wuru’ bbinaw.

¹²Pi’in tolangan’ e yad be bibiy e riya’ i yan; dariy be ni yira tayfan nge mada’ ko ngiyal’ nike sobut’an.