Text copied!
CopyCompare
Bible Ni Thothup - Proverbs - Proverbs 11

Proverbs 11:16-24

Help us?
Click on verse(s) to share them!
16Be’ ni bpin nib gol e yira tayfan, ma be’ ni bpin nib kireb pangin e ba thiyar. Girdi’ ni gamead e dariy bingyal’ nrayag e salpiy ngak, machane girdi’ ni gelfen e ra yo’or e salpiy rorad.
17Bfel’ ngom ni ga ra gol. Ma fa’anra damur runguy be’, ma kemus ni gur e ngam gafgow nigem.
18Girdi’ ni kireb e gathi rmayag ban’en ngorad, machane fa’anra ga ra rin’ e n’en ni bfel’, ma rib mich ni yira tow’ath nagem.
19Demturug be’ nike duwgiliy u wan’ ni nge rin’ e tin nib mat’aw mra par nib fos, ma en nike duwgiliy ni kireb e nge ngongliy e ra yim’.
20I SOMOL e ma fananikay e pi’in kireb lanin’rad, ma bt’uf rok e pi’in yad ma ngongol ni bfel’.
21Ngari mich u wun’um ni girdi’ ni kireb e yira gechignag, ma pi’in mat’aw e yad ra thay riy.
22Pidorang rok be’ ni bpin nde nang mat’won ban’en e bod ba luwaw nib gol u lan p’ethngun e babiy.
23N’en ni ba’adag e girdi’ ni bfel’ e gubin ngiyal’ ma fel’ e ra yib riy; ma nap’an nrayag ngak e pi’in kireb e n’en ni yad be finey, ma gubin e girdi’ nra damumuw.
24Boch e girdi’ e yad ma wereg e salpiy rorad nib puf pa’rad riy ma ku be fel’ rogonrad i yan. Ma boch e ba ta kol’ayuw ngay, ma ku be gel e gafgow rorad i yan.

Read Proverbs 11Proverbs 11
Compare Proverbs 11:16-24Proverbs 11:16-24