Proverbs 10:26-32

²⁶Ri dab mu fek be’ nib gamead nge marwuliy ban’en ni fanam; ya ra k’aring e ngochngochan’ ngom ni bod e mugnin ni mur’mur’nag nguwelem ara ath ni yip’ owchem.

²⁷Ra um liyor ngak SOMOL, ma ra n’uw nap’am. Pi’in kireb e yad ma yim’ ni dawori taw nga naprad.

²⁸L’agan’ ko pi’in mat’aw e ra fekrad i yan ko felfelan’. Ma pi’in kireb e yad be nameg e dariy.

²⁹I SOMOL e ma yororiy e pi’in yul’yul’, machane ma kirebnag e pi’in yad ma ngongliy e kireb.

³⁰Pi’in yad mat’aw e yad be par ni yad bmuduwgil, ma pi’in kireb e dab ra magachgad u daken e binaw.

³¹Girdi’ nib mat’aw e ma non nib gonop, ma balwoth ni be yog e thin ni kireb e yira taleg.

³²Girdi’ ni mat’aw e yad manang ko mang e ngroged ni bfel’, ma pi’in kireb e urngin ngiyal’ ma welthin rorad e ma amithnag lanin’uy.