Proverbios 4:20-25

²⁰Machi, an bega binsaed-uked, nue be itoge, ibmar-bega-an-soged, nuekwaa be itoge.

²¹An be-odurdakedgi melle be bangue, gwage-ulubgi nue-sedii be imake.

²²Ar dule binsaed-nikagunonikile, ega burba-duladga gued, we-dulega ina-nuedga gubalid.

²³Bela ibmar-sunsogmalad-baiganba, be-binsaedi nue-itoakwaa be ebugo. Ar we-binsalegedgine, gudiguleged danikid.

²⁴Gaya-isgana-sunmaked be indake, melle bar be gakansadii nanae.

²⁵Ibmar-nueganginbi be atake, yoo ibmar-danimaloedgi-atakdii be sae.