Text copied!
CopyCompare
Bab-Dummad-Garda-Islidikid - Proverbios - Proverbios 3

Proverbios 3:19-33

Help us?
Click on verse(s) to share them!
19Bab-Jehová binsaed-nikaguedgi, napneg nasiksad. Nue-ibmar-wisiguedgi, nibneg nasiksabalid.
20Na ibmar nue-wisidba, diimar bachik-bachik nasiksad, nibneg-akale, dii-wiega imaksad.
21Machi, nue-binsakwaa be ibmar imako. Itoakwaa-ibmar-imaked melle be iego.
22Deyob be imakele, burba-dula-gudii be-imakoed. Bega ordubyobi ibnuedga guoed.
23Geb agine, bonisuli be nanadii gudoed, be yoledii guosulid.
24Be megid-sogele, be dobguosulid. Be gabidogu, bogidikidgi be gabidoed.
25Ukiagwar-bonigan-noardaedi, be dobguosulid, dule-Bab-wissurmaladgi ukiagwar boni-dummagan-noardaedi, be dobguosurbalid.
26Ar Bab-Jehová beba gudiguoed, dulemar-isganase yardaklegega be-imakosulid.
27Dule-baidga-ibmar-nued-imaked begi siile, ega be imako, melle ega imaksuli be guo.
28Melle ega be sogo: “Be nagwerye, banedse an be-bendakoye.” Ar emi sunna be a-dule-bendakele, bendaksabin be imako.
29Melle be-ai-begi-bensuli-gudiidgi be aibino.
30Melle dule-gwen-be-oakalossulidbo be urwo, ar dule gwen-be-oakalossulid.
31Melle dule-sabsurdamalad-e-ibmar-imakdiidgi be nobguo, melle e-daedba be nanabalo.
32Ar Bab-Jehová dule-isganamar nue isdar-dakdaed. Ar dule-nuegan-ebodi walikaa gudidaed.
33Bab-Jehová, dule-nued-daed-e-neguyagi nued binsadaed, dule-isgana-e-neguyadi, ukabsadaed.

Read Proverbios 3Proverbios 3
Compare Proverbios 3:19-33Proverbios 3:19-33