Proverbios 2:2-19

²binsaed-nikaguedba be ibsaele, be-ulubgi bela-bela ise-itoagwar be ibmar imakele, geb be Bab-Jehováʼba-ibsaleged magar be itononikoed, magar be Bab-Dummad daknonikoed.

³Machi, nue-ibmar-wisigued be egisele, magar-ibmar-itoged be egisele,

⁴binsaed-nikagued maniyob be e-bina-sogdiile, or-nuegan-dukuar-bukwadyob be amiele,

⁵geb be Bab-Jehováʼba-ibsaleged magar be itononikoed, magar be Bab-Dummad daknonikoed.

⁶Ar Bab-Jehováʼbi binsaed-nikagued uked, Bab-Dummadbi nue-ibmar-wisi be-imaked.

⁷Bab-Jehová dule-ibmar-innikii-imakmaladga binsaed-nikagued uked. Bab-Jehová amar-bendakdaed, amarba gudidaed.

⁸Bab-Jehová dule-igar-maidba-ibmar-imakmalad nue-dakdidaed, Bab-Jehová dule-eba-nanadimalad edarbedidaed.

⁹Geb agine, igar-inniki-mamaidba-imakleged, igar-nabolegedgi-igar-maidba-imakleged, emarbi-dulemar-dakleged, magar-itoge be guoed, wede ibi-obare.

¹⁰Binsaed-nikagued be-ulubgi nagunonikile, nue-ibmar-wisidi, yeer-itoge be-imakoed.

¹¹Itoakwaadaedi be-bendakoed, nue-ibmar-wisiguedi be-bendakbaloed.

¹²Binsaed-nikagued, igar-isganaba-nanaega be-imakosulid, dulemar-sunnasur-sunmakmaladgi be-ollor-imakoed.

¹³Dulemar-igar-isganaba-bur-nanaega, igar-nuedgi-banguddamaladgi, binsaed-nikaguedi, be-ollor-imakoed.

¹⁴Dulemar-ibmar-isgana-saedgi-wergumaladgi, ibmar-isgana-imakedba iba-onodamaladgi, binsaed-nikaguedi, be-ollor-imakoed.

¹⁵Dulemar-igar-noar-noar-gudidamaladgi, igarmar-innikisulidba-gudidamaladgi, binsaed-nikaguedi, be ollor-imakoed.

¹⁶Machi, binsaed-nikaguedi, dule-baid-e-omegi be-ollor-imakoed. Binsaed-nikaguedi, ome-agumakedba-emar-binsaed-gaedgi, be-ollor-imakoed.

¹⁷A-ome, Bab-Dummad-asabin na abirgunagwar-gued-igar-mesisad ieded, degidbali, na e-suigi bar binsassulid.

¹⁸A-ome-negse naye be sogele, burgwed-igarse be-sedoed.

¹⁹Dule a-omese-gochale, bar gannarse guosulid, bar gannaryob nued-gudii guosulid.