Proverbios 27:19-27

¹⁹Imanömi cäranta pösu yacucho runa ricacun chaynömi runa yarpashanta parlashpan imano cashantapis musyacächin.

²⁰Wañuypis, pantiyun uchcupis manami yamanchu chaychica runa pampacuptinpis. Chaynömi runapis ima ricashancunatapis munapayta mana yamanchu.

²¹Goritapis guellaytapis rasunpa alli cashanta chulluchiyparämi rejsin. Runatapis alli cashanta musyan alli cashanta runacuna alabaptinrämi.

²²Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

²³Uywayquicunata sumaj ricay. Uyshayquicunapaj yarpachacuy.

²⁴Ima-aycayoj caypis, mandaj caypis mañayllami.

²⁵Guewa chillguir intërupa berdiypa berdicarcamuptin jircacunachöpis alli guewa captenga

²⁶uyshayquicunachöpis millwapis cangami röpayquipaj. Cabratana ranticunqui chacrata rantinayquipaj.

²⁷Cabrayquipa lëchinpis achca llojshenga llapan wamrayquicunawan upunayquipaj. Llapan uywayniquicunapis upunanpaj aypangami.