Proverbios 26:10-26

¹⁰Dule, e-neggi dule-binsaedsulidaed-oarbaele, sigu-mied-dule yogasaar sigu-miedba dule-onailiksaedyobid. Wissulid bia sigu argwatapoe.

¹¹Igi achu na e-agsad gannar maddae, debayobi, dule-binsaedsulidaedi, gannar-gannar ibmar-nabirsulid obariddaed.

¹²¿Dule-binsaed-ibedye-na-sogdiid be dakdii? Dule-binsaed-ibedye-na-sogdiidba bur baisursunna, dule-binsaedsulidaedi ibmargi odurdakleged.

¹³Dule-wiegala, yamo wiedbali weyob sogdedaed: “¡Igarba achu-sapur gudii daklesa! ¡Neg-galimbaba achumigur achiksa-gudii daklesa!”

¹⁴Igi yawagak, e-naidgi egemakwisdae, debayobi, dule-wiegala e-megedgi nikwamakmaidaed.

¹⁵Dule-wiegala mas-gunnega bateyagi e-argan ododaenad, degi-inigwele, wiedba e-gayaba mas odosulid.

¹⁶Dule-wiegala, dule-binsaed-ibegan-e-walagugledba (7), bur binsaed-ibediyob itodaed.

¹⁷Igi achu uaya-ebilenaidgi emargi aibine, deyobi, dule, dulemar-urwenaid-imbagi gotemogale, boni-amied.

¹⁸Igi dule oes yogasaar sigu-soo-nikad mie,

¹⁹deyobi, dule, e-ai-yamoged. Geb sorba ega sogdaed, “unnila, binsa an begi dodonaiye.”

²⁰Dule, soo-yagi sapan urbesulile, soo akitedaed. Deyobmodo, gakansaleged satele, urwed satedaed.

²¹Sogungi soo oaramakledaed, sapangi soo ogaledaed. Deyobmodo, dule-ursilidgi urwed noardamogad.

²²Gakangi-sunmaklegedi, mas-nued-gullegeyobid. Gakangi-sunmaklegedi, ulubse uboged.

²³Igi yamo napsa-nog manigi oglege, debayobi, dule-gwage-isgana-e-sunmakedi yamo nabiridyobi sunmakdaed.

²⁴Sae-dule-dakedi, yamo nueganbi dulega sunmakdaed, ar e-ulubgindina, sae dule-dakdaed.

²⁵Ar sae-dule-dakedi, yamo bega nueganbi sunmakele, melle be itogo, ar e-gwage-ulubgindi, dogdar isdar binsadaed.

²⁶Amba yamo sae-dule-daksuliyob na san-saele, dulemar-abargindi e-isgued magar daklenonikoed.