Proverbios 25:20-26

²⁰Dule-bukib-binsaedba-wile-itodiidgala namaklemaladgi-namakedi, nuedsulid. Ega ukagi-yaa-siidgi balu-eogeyobid. Degi, neg-dambipigwadgi mor-esuedyobid. Gwen gadi-gadi imakosulid.

²¹Be-isdarad ukudmaada-itogele, masgi ogunno, uku-uku-itogele, ogobo.

²²Deyob be a-dule-imakele, be nue-obingegsaoed, Bab-Jehováʼdi bega ibmar-buged ukoed.

²³Dii-burwa-goledbali dii-wied danidaed. Gaya-isgana-sunmakedbali, neg-urwed noardaed.

²⁴Ome-ursili-ebo neg-dummadgi-megedbali, bur nabirsursi, neg-sukungwaba-meremair.

²⁵Igi-uku-uku-itolegedgi dii-dambipigwad gobledae, deyobi, gayaburba-nuegan dikasur-danikir, itoledaed.

²⁶Dule-innikidaedi, dule-isgana-abin sikirmakele, dii-isgumaidaeyobi gued. Diagi-ib-isgana-mileddaeyobi gued.