Proverbios 23:1-14

¹Be dule-dummadbo mas-gunsokalile, nue ebinsao, doa-asabin be sii.

²Ar be gadi-mas-gunnele, masgunned bargao.

³Melle be e-mas-yeer-gullegedbina soge, ar we-masdi, unnila dule-yardakedid.

⁴Melle be ibmar-nuegan-nikuega surbinsa-itodii gue. Melle be ibmar-gargerbamaladginbi binsadii gue.

⁵Ar be nuekwaa dakdele, be daksaled, ibmar-gargerbamalad baisursunna berguddaed.

⁶Melle be dule-nallegaladbo mas-gunne. Melle be e-mas-yeer-gullegedbina sogbalo.

⁷Ar e-masde, gammugi-sailagia-megeyob gued. Bega sogoed: “Mas-gunne, gobe.” Degi-inigwele, gwen gwage-nuedgi bega sogosulid.

⁸A-sorbali, be bela mas-guchad agoed, ega be nuedgi-sunmaksadi, binsa be sunmakoed.

⁹Melle be dule-binsaedsulidaedga binsaed dako. Ega be ibmar-sogoedi, be-abin isdar-itogoed.

¹⁰Melle dikasurgus-nainu-abingunaidgi ibmar-ogwichismalad be oniro. Mer be dule-sergansated-e-nainugi dogbalo.

¹¹Ar wemar Dule-E-Bendaked-Gandikid nikad. Dule-sergansated-bendakegala, be-abin gwisguoed.

¹²Ibmar-durdaksadba be ibmar imake, binsaed-nued-uklegedi, be nue-itoge.

¹³Melle be mimmigan-odurdaksuli gue, molidubgi-bibyolegedba burgosulid.

¹⁴Ar bur be molidubgi-bibyogele, burgwed-igargi be ollor-imaknaid.