Proverbios 18:1-17

¹Dule-na-eginbi-binsaedi, unnila egarbi ibmar-nued abeged, dule-ega-binsaed-nued-ukeddi, abesulid.

²Dule-binsaedsulidaedi, magar-ibmar-itoged baisur-daked, unnila e-ibmar-sogedgi na san-odummodiid.

³Ibmar-isgana-imaklegedgine, dule-sae-dakleged nononidaed. Bingegulegedba-mai dule-nug-gagaleged danidaed.

⁴Dule-e-gayaburba, dii-wiladyob gued. Diwar-iirmakemaiyob egi binsaed-nikagued ainimaid.

⁵Dule-ibmar-oakalosad ibmar-oakalossuliyob-imakedi, ibnuedsulid. Dule-ibmar-oakalossulidga ega igar-innikigwad-imaksulile, ibnuedsurbalid.

⁶Dule-binsaedsulidaed-e-sunmakedi, unnila neg-urwed onoged, e-sunmaked emarga urwed-amied.

⁷Dule-binsaedsulidaed e-sunmakedgi na dukin san-wioged, e-sunmaked na dukin egi aibinega-imaked.

⁸Gakangi-sunmaklegedi, mas-nued-gullegeyobid. Gakangi-sunmaklegedi, ulubse uboged.

⁹Dule, e-arbaedgi nue-arbasulile, dule-ibmar-ogiloged-e-sordaga gued.

¹⁰Bab-Jehová-e-nug, neg-matusulid-gandikid-geg-ayaredyobid. Dule, bendakleged-amiegala, a-negse abarmakdedaed. Bab-Jehová-e-nug dule-innikimaladga deyob gued.

¹¹Igi neggwebur-e-akwa-galu-matusulid-ebirnai, mani-ibmalad na deyob e-ibmar-nikad egi ebirnai itoged. Degisoggu, gwen akar-guosuliyob na binsamalad.

¹²Dule, ibitoged-idu, e-daed bule-bule na san-oyoged. Dule, e-nug-ogannoleged-idu, e-daed na san-bipii oyoged.

¹³Yogasaar gwen ibmar-itossuli-emar-abinsaele, binsaedsulidalegedid, dule-emar-obingeg-saedid.

¹⁴Dule-uelleged bonigan-itomaidgi niga-gandikgudele, gwae nugudoed. Ar dule-uelleged niga-batismaile, ¿adi, igi nuguosunna?

¹⁵Dule-itoakwaadaed ibmar-nuegan baramied. Dule-binsaed-ibed gatik ibmar-wisgued-nikuegala, nue ibmar-itodaed.

¹⁶Ibmar-binsa-uklegedba belagwable yawagakmar argaed, abali, dule-dummaganse warmakleged.

¹⁷Dule-na-e-inse-san-bendakedi, e-ibmar-sogedi, e-gussuliyob sunmaked. Geb dule-baid-ebo-boni-nikadi, sorba ibmar-sognonimogale, akar egi sunmaknonimogoed.