Proverbios 12:3-7

³Dule ibmar-isgana-imakedgi gargangued amiosulid. Dule-innikidaed-e-gargangueddi, gwen gigli guosulid.

⁴Ome-innikidaedi, e-sui-nug odummoged. Ome-galagwensulidaeddina, e-sui-nug oichoged.

⁵Dule-innikidaed-e-igarmar-amiedi, ibmar-inniki-imakedgi binsaed. Dule-isgana-e-sunmakeddina, unnila emar-yardakedgi sunmaked.

⁶Dule-isgana-e-sunmakedi, emar-yardakar sunmaked, ablis-eogedgi sunmaked. Dule-nuegan-e-sunmakeddina, dulemar egi bendakleged amied.

⁷Bab-Dummad sulibinsa dule-isganamar-imaked, degidba berguddamalad. Dule-innikidaed-e-mimmigandina, gwen-berguosulid.