PROVERBIORUM 6:9-15

⁹Usquequo, piger, dormies? quando consurges e somno tuo?

¹⁰Paululum dormies, paululum dormitabis, paululum conseres manus ut dormias;

¹¹et veniet tibi quasi viator egestas, et pauperies quasi vir armatus. Si vero impiger fueris, veniet ut fons messis tua, et egestas longe fugiet a te.

¹²Homo apostata, vir inutilis, graditur ore perverso;

¹³annuit oculis, terit pede, digito loquitur,

¹⁴pravo corde machinatur malum, et omni tempore jurgia seminat.

¹⁵Huic extemplo veniet perditio sua, et subito conteretur, nec habebit ultra medicinam.