16Mel invenisti: comede quod sufficit tibi, ne forte satiatus evomas illud.
17Subtrahe pedem tuum de domo proximi tui, nequando satiatus oderit te.
18Jaculum, et gladius, et sagitta acuta, homo qui loquitur contra proximum suum falsum testimonium.
19Dens putridus, et pes lassus, qui sperat super infideli in die angustiæ,
20et amittit pallium in die frigoris. Acetum in nitro, qui cantat carmina cordi pessimo. Sicut tinea vestimento, et vermis ligno, ita tristitia viri nocet cordi.