PROVERBIORUM 23:4-9

⁴Noli laborare ut diteris, sed prudentiæ tuæ pone modum.

⁵Ne erigas oculos tuos ad opes quas non potes habere, quia facient sibi pennas quasi aquilæ, et volabunt in cælum.

⁶Ne comedas cum homine invido, et ne desideres cibos ejus:

⁷quoniam in similitudinem arioli et conjectoris æstimat quod ignorat. Comede et bibe, dicet tibi; et mens ejus non est tecum.

⁸Cibos quos comederas evomes, et perdes pulchros sermones tuos.

⁹In auribus insipientium ne loquaris, qui despicient doctrinam eloquii tui.