12Qui despicit amicum suum indigens corde est; vir autem prudens tacebit.
13Qui ambulat fraudulenter, revelat arcana; qui autem fidelis est animi, celat amici commissum.
14Ubi non est gubernator, populus corruet; salus autem, ubi multa consilia.
15Affligetur malo qui fidem facit pro extraneo; qui autem cavet laqueos securus erit.
16Mulier gratiosa inveniet gloriam, et robusti habebunt divitias.
17Benefacit animæ suæ vir misericors; qui autem crudelis est, etiam propinquos abjicit.
18Impius facit opus instabile, seminanti autem justitiam merces fidelis.
19Clementia præparat vitam, et sectatio malorum mortem.
20Abominabile Domino cor pravum, et voluntas ejus in iis qui simpliciter ambulant.