Proverbio 7:12-26

¹²Kanayon ay manmandan sin kalsada ya katoptopogan di ipogaw ta man-anap si lalaki ay ietekana.

¹³Kakawe ya kaongo sin baro ay sana yan adi mabain ay mangwani,

¹⁴“Nan-idatonak ed wani ay agew ay manongpal sin insapatak yan ad-adoy nabay-an ay karni.

¹⁵Isonga inmaliak ay manganap en sik-a yan naey ka baw tet-ewa.

¹⁶Din ap-ap di katrik yan mapteng di kolor na ay napo ed Egipto,

¹⁷yan pinay-ak si bangbanglo ay makwani en mirra, aloe ya cinnamon.

¹⁸Emey tas di ta manragsak ta ay maninsinlabi.

¹⁹Tan addawi di inmeyan asawak.

²⁰Ad-adoy intakina ay pilak et adi somaa enggana ay emey di doway dominggo.”

²¹Siya di, sinolisog na din baro babaen sin makaawis ay kali na.

²²Inmonod ay dagos din baro ay sana ay kaman din baka ay maiey sin panpaltian ono din ogsa ay makna sin ballasa

²³ta matey babaen si pana. Kaman din titit ay alisto ay emey sin tagdey ay adi na ammo ay say kateyana.

²⁴Isonga anak ko, estem ay dengngen din ibagak.

²⁵Adi kan nemnemnemen din kaman nadi ay babai ya adi kan maiet-etekan en daida.

²⁶Din kaman nadi ay babai di makagapo si nadadaelan ya nateyan di ad-ado ay lallalaki.