Text copied!
CopyCompare
Kankanaey Bible - Proverbio - Proverbio 6

Proverbio 6:4-15

Help us?
Click on verse(s) to share them!
4Adi kan man-illeng pay laeng ono maseyep.
5Ipakat moy kabaelam ay bomolos ay kaman din iyat di ogsa ta ilayawana din manganop ono din iyat di titit ta ilisiana din tagdey.
6Sik-a ay nasadot, adalem din biyag di koton ta lomaing ka.
7Maga di pangolo da,
8ngem man-olnong das kanen da sin tiyagew ya pinag-aani ta say maisagana di kasapolan da sin pinag-oodan.
9Ay daetan pay sas seyep mo? Pig-an pay di bomangonam?
10May, maseseyep ka pay, man-illeng ka pay,
11ngem di pantongpalana et bigla ay bomiteg ka ay kaman din inakewan di tollisan.
12Din makedse ay ipogaw ay magay silbi na yan lomikeliked ay man-et-etek.
13Mankedyakedyat ya mansinyasinyas ta ietekan daka.
14Sinisikap di naigto sin nemnem na, pag lawa di panggep na ya sisya di mangiloglogis adi pankikinaawatan.
15Gapo isdi, bigla ay domteng di dosa na ay magay rimidyo na.

Read Proverbio 6Proverbio 6
Compare Proverbio 6:4-15Proverbio 6:4-15