Proverbio 5:5-11

⁵Din panturongan di siki na et pese, tan din pandanana et manturong sin kad-an di natey.

⁶Adi na on-onodan din danan ay manturong si biyag. Nasangaw sisya ay manlikeliked sin nakillokillo ay danan, ngem adi na ammo.

⁷Isonga ed wani, dengngem din ibagak yan adi kan liwliw-an.

⁸Addawiam din kaman nidi ay babai. Adi ka polos somag-en sin pantew di beey na.

⁹Tan mo somag-en ka, posen di odom din dayaw mo yan pilit ay idawat mo si ipogaw ay magay seg-ang na din ginon-od mo sin pigay tawen di biyag mo.

¹⁰Alaen di mangili din kinabaknang mo ay inligligatam.

¹¹Sin odi na, manbayeweng ka tan enggay komapsot din awak mo.