Proverbio 4:2-6

²Kosto din it-itdok en sik-a, isonga adi kan liwliw-an.

³Sin kakitkittoy ko pay laeng, esaak ay anak sin beey da amak yan bogbogtong ay anak sin pangilan inak.

⁴Kanan amak ay namagbaga en sak-en, “Adi ka liwliw-an din ibagak. Tongpalem din bilbilin ko ta matagotago ka.

⁵Gon-odem di sirib ya panang-awat yan adi kan tetewengen ya liwliw-an din pamagbagak.

⁶Adi kan dokdokogan et say mangayowan en sik-a, ipateg mo et salakniban daka.