Proverbio 2:9-21

⁹Mo dengngem sak-en, maammoam to di kosto ya nalinteg ay amagem ya din iyat mo ta magay panlaslasinem.

¹⁰Tan manbalin ka ay masirib et maragsakan ka gapo sin laing mo.

¹¹Din kinaannad mo ya panang-awat mo et kaman siya da di manalaknib en sik-a.

¹²Ilisi das sik-a ay man-amag si lawa. Mailisi ka abe sin ipogaw ay mangipalawlawa si gait na.

¹³Daida din manokog si nalinteg ay panagbiyag et kaman dan wadas mabolinget.

¹⁴Maragsakan ya maganasan da ay mangamag si lawa.

¹⁵Nasikap ya makaetek da, adi dan katalek.

¹⁶Mailisi ka abe sin makaawis ay kalin di manakikamalala ay babai

¹⁷ay nanaynan si asawa na et niliw-ana din kari na sin sangoanan Diyos.

¹⁸Din beey na yan kaman danan ay manturong si pese, tan din senggep sidi et omas-asag-en da sin kad-an di natey.

¹⁹Din en manteng en sisya et adi polos mantaoli ya adi kasin makadteng sin danan ay manturong si biyag.

²⁰Isonga say onodam din panagbiyag di siged ya nalinteg ay ipogaw.

²¹Tan din kaman dadi et daida di matagotago ya mantetee sin ili,