Proverbio 23:21-34

²¹Tan din kaman dadi ay ipogaw et kanayon ay masmaseyep da, isonga bomiteg da ya manbado das nabisngibisngit.

²²Dengngem din pamagbagan amam ay nakaotangam si biyag mo yan adi kan laslasoyen si inam mo enggay mabakes.

²³Ipakat mo din kabaelam ay mangadal si kosto ay todo ya sirib, pamagbaga ya panakaawat, yan adi kan linglinglingan.

²⁴Dadlon maragsakan din aman di nalinteg ya masirib begew en sisya.

²⁵Isonga paragsakem koma da amam en inam ay nangianak en sik-a.

²⁶Anak ko, estem ay dengngen din ibagak ya ilaem abe di kabibiyag ko ta say tadonem koma.

²⁷Din hostess ya din makikamkamalala yan maiarig das malosong ay bito.

²⁸Maiarig da si tollisan ay manseseed et ad-ado di lalaki ay iturong da si basol.

²⁹Sino di kanayon ay manproblima ya mansakit di nemnem na? Sino di kanayon ay makiibaw ya manriri? Sino di masogatan yan magay kosto ay gapo na? Sino di manbalangay mata na?

³⁰Daida di malabian manbegew si arak, tan laylayden da ay man-inom si nanlalaok ay arak.

³¹Adi kan pasolisog sin arak olay manbalanga ay kaman mayat di kailaana sin baso. Manlamoyot kayman ay inomen,

³²ngem sin odi na yan kaman dakan kinat si nagitaan ay eweg.

³³Ad-adoy ilaem ay ol-olay yan baken kosto din nemnem mo ya kalim.

³⁴Enggay naolaw ka ya nagolo di nemnem mo ay kaiarigam di maseyep si bapor sin gawan di baybay sin timpon di pewek.