Proverbio 23:16-24

¹⁶Naragsakak to mo dengngek ay kalin di masirib di iyat mo ay mankali.

¹⁷Adi kan apalan din managbasol mo adi et kanayon ay patgem si Diyos.

¹⁸Mo say iyat mo di, waday mayat ay namnamam sin tapin di agew yan sigurado ay matongpal.

¹⁹Anak ko, dengngem nan pamagbagak. Manemneman ka koma ta say onodam din kosto.

²⁰Adi ka maitaptapi sin makabeteng ya naaklong.

²¹Tan din kaman dadi ay ipogaw et kanayon ay masmaseyep da, isonga bomiteg da ya manbado das nabisngibisngit.

²²Dengngem din pamagbagan amam ay nakaotangam si biyag mo yan adi kan laslasoyen si inam mo enggay mabakes.

²³Ipakat mo din kabaelam ay mangadal si kosto ay todo ya sirib, pamagbaga ya panakaawat, yan adi kan linglinglingan.

²⁴Dadlon maragsakan din aman di nalinteg ya masirib begew en sisya.