Proverbio 22:11-26

¹¹Gayyem di ari din nalinis di nemnem na ya omiparagsak di kali na.

¹²Ilaen Diyos ta mapaneknekan din tet-ewa, ngem dadaelena din planon di maetek ya nasikap.

¹³Kanan din nasadot ay manpambal, “Emegyatak ay en man-obla tan waday layon ay omisida.”

¹⁴Din kalin di manakikamalala ay babai yan kaman malosong ay bito. Mo pabongetem si Diyos et mag-as ka isdi.

¹⁵Naisisigod di kinaong-ong di amin ay anak, ngem no soplitem, mabalin ay mabalbaliwan.

¹⁶Mo paligatem di nabiteg ta waday iyat mo ay bomaknang, bomiteg ka pay dedan. Siya abe mo isagotam di baknang.

¹⁷Nay di pamagbagan di masirib. Estem ay dengngen nan itdok en sik-a.

¹⁸Maragsakan kan to mo igtom dana sin nemnem mo ya kabaelam ay ibaga.

¹⁹Itdok dana en sik-a ed wani ay agew ta mantalek ka en Diyos.

²⁰Insolat ko nan tolonpo ay pamagbaga ay pakagon-odan si sirib.

²¹Say pangammoam si tet-ewa ya kosto ay isongbat mo sin nan-ibaa en sik-a.

²²Adi ka paligaten di nabiteg gapo anggoy ta magay kabaelan da, ya adi kan sowitiken sin pangokoman,

²³tan si Diyos di mangikalintegan en daida et peslena din mamaligat en daida.

²⁴Adi kan makigayyem sin mabonget ay ipogaw,

²⁵tan maalinan ka en daida et kaman kan nakna si tagdey.

²⁶Adi kan itakder di otang di odom ay ipogaw,