Text copied!
CopyCompare
Kankanaey Bible - Proverbio - Proverbio 1

Proverbio 1:12-30

Help us?
Click on verse(s) to share them!
12Napigsa da ed wani ngem kaman tako din kaot ay mangokmon en daida ay sibibiyag.
13Alaen tako din nabanol ay sanikwa da ta pon-en tako din beey tako si naakew.
14Makibingay ka mo maitapi ka en dakami.”
15Adi kan on-onodan di kaman dadi ay ipogaw
16tan alisto da ay man-amag si basol, nakasagana da ay manpese.
17Kaman dan titit ay olay mo il-ilaena din kaiamagan di tagdey, ngem makna pay dedan.
18Tan da nay ay ipogaw, kaman dan tinagdey din mismo ay awak da, din biyag da ay mismo di ipasobo da.
19Tan din kinabaknang ay magon-od babaen si basol et omiturong si kateyan.
20Si Sirib et ipigsa nan kali na sin kalsada sin katoptopogan di ipogaw,
21ya sin pan-ilaklakoan sin asag-en di segpan di siyodad. Kanana ay mandiskurso sin ipogaw:
22“Dakayo ay magay ammo na, ay pig-an pay di panlaydan yo ay manemneman? Apay nga adi kayon somaldeng ay manlaslasoy ya manis-iyek sin sirib?
23Dengngen yo din pamagbagak ta ipaammok din nemnem kon dakayo.
24Ay-ayagak dakayo ngem polos ay adi kayon omikaskaso.
25Tineteweng yo din indaddaan kon dakayo.
26Isonga siyekak dakayo mo domteng di kaeegyat ay ligat yo,
27mo kaman pewek ay domteng sin biyag yo din ligat ya panladingitan yo.
28Awni et kedawen yo di badang ko ngem adiak patgan, omanap kayo ngem adi kayo makadateng en sak-en.
29Tan sinigaan yo ay maitdoan ya mangipateg en Diyos.
30Dinokogan yo din pamagbagak ya adi yon inkaskaso din indadaan ko.

Read Proverbio 1Proverbio 1
Compare Proverbio 1:12-30Proverbio 1:12-30