Proverbio 19:17-25

¹⁷Din maseg-ang sin nabiteg yan kaman si Diyos di nangibolodana et gon-gonaan Diyos sisya.

¹⁸Soplitem din anak mo sin kakitkittoy da, tan wada pay laeng di namnama. Mo adi kan sopliten daida, kaman mon inturong daida si kateyan da.

¹⁹Kanayon ay manproblima din mabonget ay ipogaw. Mo badangam et masapol ay amagem kasin.

²⁰Dengngem ya patiem di pamagbaga ta lomaing ka sin odi na.

²¹Ad-adoy planon di ipogaw, ngem si Diyos di mangipatongpal sin inkeddeng na ay mapasamak.

²²Say nabanol et din kinapodnon di esa ay ipogaw. Maymayat di nabiteg mo din maetek.

²³Mo egyatam ya patgem si Diyos, matagotago ka, et wada abey talnan di nemnem mo ya magay lawa ay mapasamak.

²⁴Waday ipogaw ay palaloy sadot na. Owat nan kapayen din kanena, ngem adi na maidoo sin tepek na.

²⁵Manemneman di magay ammo na mo ilaena di makalasoy ay masoplit, ngem din masirib et maitdoan babaen si pamagbaga.