Proverbio 17:23-28

²³Din lawa ay howis, awatena di pasoksok ay naililimed yan adi na itonton di kinalinteg.

²⁴Din nalaing ay mangilasin si kosto et imongsana di nemnem na sin amagen di masirib, ngem din naong-ong yan magay kosto ay kaimongsanan di nemnem na.

²⁵Ladingit ya sakit di nemnem di idawat di naong-ong ay anak en da ama na en ina na.

²⁶Baken kosto mo moltaen di magay basol na ya sopliten di opisyal begew sin kosto ay am-amagena.

²⁷Masirib di ipogaw ay makaitpe si bonget na ya naannad ay mankali.

²⁸Olay din magay nemnem na et kaman nalaing mo gomiginek.