5Din matalek ay tistigo yan din tet-ewa di ibaga na, ngem din adi matalek et pag etek di itistigo na.
6Naligat ay somirib di makalasoy, ngem nalaka ay lomaing din nanemneman.
7Addawiam di naong-ong, tan magay kosto ay itdo nan sik-a.
8Din masirib yan nemnemen day kosto ay amagen da, ngem din magay nemnem da yan ietekan day iib-a da.
9Din naong-ong yan adi dan pagan-ano din pangikaroan das basol da, ngem din nalinteg yan ipaila day mayat ay nemnem da.
10Sik-a anggoy di makaammo si ison di ladingit ono ragsak mo. Adi makilikna si kosto di odom ay ipogaw.
11Madadael din beey di managbasol, ngem din beey di nalinteg yan bomayag.