Proveps-Knare Nomaniza 7:12-26

¹²Ana a'ra hakarea zupa kampine, maketi kumapine, maka kaziga manineno venenema evazageno rezamaheno zamavazuma hanigu negea akino,

¹³ana nehaza nera azeri anukiazamo antako hunenteno, avufga azeri otiare avunutira negeno anage hu'ne,

¹⁴nagra menina narimpa fruma eri kresramana vugeno, huvempama huntenoa kemo'a raga re'ne.

¹⁵Hu'negu kagriku hakarena kagenaku oregati hago eme kagena eri forehue.

¹⁶Isipi vahe'mokizmi pse'ane tavravereti mase tafera hunte'noe.

¹⁷Hago knare manama vuzantami miama, aloima, sinamoninu mase tafepina rutri huna ahemna vunte'noe.

¹⁸Hagi egeta umaseneta, zokagora nereta musena nehanukeno ko'aturanteno.

¹⁹Nenave'a nontera omani'neanki, hago afete ka vu'ne.

²⁰Zgomo'a ku'afina avitenegeno vu'neankino kora omegosianki ama ikamofona amunontega esia kante vu'ne.

²¹Ana a'mo'a masave kema asamino avresia nanekea, rama'a naneke asamine.

²²Ana ne'mo'a ame huno ve bulimakao afu aheku avazu hu'za nevazankna huno ana a'mofona avaririno vu'ne.

²³Kevemo'ma tumo'ruragino ahesnia zankura agesa ana ne'mo'a nontahino, agra namamo hareno krifu anagintepi ufreankna nehuno, ahe frisia zankura nontahie.

²⁴Hanki mofavre'nimote, tamagesa anteso'e hutma nanekeni'a antahiho,

²⁵Atrenkeno tamagu'amo'a ana a'mofo kerera amagera ontege, kavareno agri kantera ovino.

²⁶Na'ankure ana a'mo'a rama'a venene zmazeri haviza nehuno, zamahe fri'ne.