Proveps-Knare Nomaniza 7:1-9

¹Mofavre'nimoke, keni'a nentahinka, kasegeni'a eri kagu'afi antegeno raza segantena kva huo.

²Kasegeni'ama amage antesanana kagra kasefa hunka nemaninka, rempima hugamisua zana kavurgama kegva nehanankna hunka kegva huo.

³Kazeri kagesa hanigu rini kazampi antaniankna hunka kantu kagu'afi tumoka'are krento.

⁴Knare antahintahigura nensaro'e nehunka, antahi amahu antahintahigura nenafu'e hunka huo.

⁵Ve'ama maninesia a'mo'ma kazeri savrima hu'zama nehinkeno'a, ana kemo'a kaza nehina ru kazigati a'mo'ma kazeri savri hunaku'ma masavenke'ma nehanigeno'a, ana kemo'a kaguvazigahie.

⁶Mago zupa mani'ne'na noniamofona zaho eri kampinti negogeno,

⁷mago'a nehazave enevazafina kogeno amuno zamifina, mago nehaza ne'kanora, knare antahizama'a omanenea ne' ke'noe.

⁸Agra monko'amofo nontava'onte vu'nea nonkaranka nevuno, ana a'mofo nonte vu'nea kampi ufreno vu'ne.

⁹Hanima hukuma nehigeno, hanimo'ma rentrako huzahifi ana hu'ne.