Proveps-Knare Nomaniza 6:27-31

²⁷Akru huno neresia tevema hankeri kasumpima antesanana kukenaka'a azerino ontegahifi?

²⁸Teve zugu'ma neresifima kaga vapama vananana, kagagusa teonkasagegosifi?

²⁹E'ina hukna hugahane, tava'onka'arema nemanisia ne'mofo a'enema masege, monkozama hananana hazenke erigahane.

³⁰Aga'ma netenigeno nezama nesia zankuma kumzafama erisia vahera, rama'a tamarimpa kna hunontaze.

³¹Hu'neanagi ana ne'ma azerisageno'a, seveni'a zupa nama'aza eri'neo seveni'a zupa antegofetu huno miza segahie. Hagi upama hanuno'a, no'ma'afima ante'nesia fenoma'areti ene mizasegahie.